Далацин 150мг №16 Капсул

Клиндамицинд мэдрэг бактериар үүсгэгдсэн халдварт үрэвсэлт өвчний эмчилгээнд хэрэглэнэ.

1.    Амьсгалын дээд замын халдвар. Дайвар хөндийн үрэвсэл, гүйлсэн булчирхайн үрэвсэл, залгиурын үрэвсэл

2.    Дунд чихний үрэвсэл, улаан эсэргэнэ.

3.    Амьсгалын  доод замын халдвар: гуурсан хоолойн үрэвсэл, уушгины үрэвсэл, плеврийн эмпием, уушигны буглаа,

4.    Арьс ба зөөлөн эдийн халдварт өвчин: батга, хатигшил, арьсан доорх өөхөн эдийн халдвар, импетиго, буглаа, халдварлагдсан шарх, бэлдмэлд мэдрэг бактериар үүсгэгдсэн арьс ба зөөлөн эдийн өвөрмөц халдвар ёлом, гөгий (ганц хуруутах).

5.     Яс ба үе мөчний халдвар: остеомиелит, үжилт артрит

6.    Эмэгтэйчүүдийн  халдварт өвчин: эндометрит, арьсан доорх өөхөн эдийн халдвар, үтрээ орчмын эдийн  халдвар,  үр дамжуулах гуурс ба өндгөвчний буглаа,  сальпингит, бага аарцгийн хөндийн эрхтний үрэвсэлт өвчин. (грам сөрөг агаартан үүсгэгчийн эсрэг үйлчилдэг бактерийн эсрэг эмтэй (гентамицин) хавсарч хэрэглэнэ.)

7.    Chlamydia trachomatis-р үүсгэгдсэн умайн хүзүүний халдварт өвчний дан эмчилгээнд.

8.    Хэвлийн хөндийн халдварт өвчин: хэвлийн гялтангийн үрэвсэл, хэвлийн хөндийн буглаа (Грам сөрөг агаартан үүсгэгчийн эсрэг үйлчилдэг бактерийн эсрэг эмтэй (гентамицин) хавсарч хэрэглэнэ.)

9.    Үжил ба эндокардит

10. Амны хөндийн халдвар: шүдний холбоосын буглаа болон шүдний холбоосын үрэвсэл (перидонтит).

11. ДОХ-той өвчтөний  токсоплазмозын гаралтай энцефалит (стандарт эмчилгээ зохидоггүй өвчтөнд пириметаминтай хамт хэрэглэх)

12. ДОХ-той өвчтөний  пневмоцист бүхий уушгины үрэвсэл (стандарт эмчилгээ зохидоггүй буюу үр дүнгүй байгаа өвчтөнд примахинтай хамт хэрэглэх)

13. Олон эмэнд тэсвэртэй Plasmodium falciparum-аар үүсгэгдсэн маляри (дангаар нь болон хинин ба хлорохинтой хамт хэрэглэнэ.)

14.  Пенициллинд хэт мэдрэг өвчтөний эндокардитын урьдчилан сэргийлэх

Үйлчлэгч бодис: Клиндамицин (клиндамицины гидрохлорид) 150мг, 300мг
Туслах бодис: Лактоза, магнийн стеарат, эрдэнэшишийн цардуул, тальк, желатин, титанийн хоёрч исэл.

Бэлдмэлийг хэрэглэх үед дараах гаж нөлөө илэрч болно.

1.    Хоол боловсруулах замын зүгээс: хэвлийгээр өвдөх, дотор муухайрах, бөөлжих, суулгах, улаан хоолойн үрэвсэл, улаан хоолой шархлах, бүдүүн гэдэсний псевдомембраноз үрэвсэл, дисбактериоз, шарлалт, элэгний үйлажиллагаа өөрчлөгдөх (цусан дахь билирубиний хэмжээ ихсэх).

2.    Харшлын урвал: толбот гүвдрүүт тууралт, чонон хөрвөс, загатнаа, ихэвчлэн улаан бурхан төст тууралт (хөнгөн болон дунд зэргийн илрэлтэй), ховор тохиолдолд олон хэлбэрийн улайрал, арьсны эксфолиатив цэврүүт үрэвсэл, хорт явцтай эпидермийн үхжил, анафилаксийн урвал.

3.    Цусны системийн зүгээс: түр зуурын шинжтэй эозинофили ба нейтропени, түүнчлэн тромбоцитопени, агранулоцитоз ажиглагдана. Гэвч эдгээр эмгэг нь клиндамициний эмчилгээтэй холбоотой эсэх нь тогтоогдоогүй.

4.    Бусад: Үтрээний үрэвсэл, амт өөрчлөгдөх. 

Мэдрэл булчингийн сэрэл дамжуулалт өөрчлөгдөх, давтан халдвар илэрдэг талаар мөн тэмдэглэгдсэн байдаг.

Насанд хүрэгсдэд: хоногт 600-1800мг тунгаар 2-4 тэнцүү хувааж хэрэглэнэ.      

Хүүхдэд хоногт 8-25мг/кг тунгаар 3-4 тэнцүү хувааж хэрэглэнэ.

Улаан хоолойн салстыг цочроохоос сэргийлэх зорилгоор бүрээсийг аяга усаар даруулж ууна.

Хэрэв тооцоолсон 1 удаагийн тун нь бүрээс дэх агууламжаас бага байх буюу залгих үйл ажиллагаа өөрчлөгдсөн үед бэлдмэлийг тарьж хэрэглэнэ.