Билобил интенс 120мг №60 Капсул

Анхаарал төвлөрөлт, ой тогтоолт муудаж мартамхай болох, оюуны чадвар буурах, нойр хямрах шинж бүхий төрөл бүрийн шалтгаант тархины цусан хангамжийн алдагдал (тархины харвалт, тархины гэмтэл, өндөр настан),

Захын болон бичил цусны эргэлтийн алдагдал (түүнчлэн доод мөчдийн артерийн судасны эмгэг, хөл чинэрч догонцох), Рейно-н хам шинж,

Мэдрэл - мэдрэхүйн өөрчлөлт (толгой эргэх, чих шуугих, сонсгол муудах),

Нүдний шар толбоны насжилтын сөнөрөл,

Чихрийн шижингийн шалтгаант нүдний торлогийн эмгэг.

Хориглох заалт

• Гинкгогийн ханд буюу уг эмийн найрлаганд орсон аль нэгэн бодист хэт мэдрэгшсэн тохиолдол.
• Тархины цусан хангамжийн цочмог өөрчлөлт.
• Зүрхний цочмог шигдээс.
• Ходоод ба дээд гэдэсний шархлааны цочмог үе ба шархлаат гастрит.
• Жирэмсэн ба хөхүүл үе.
• 18 хүртэлх насны хүүхдэд тус тус хэрэглэж болохгүй.

1 бүрээсд 120 мг Гинкго навчны (Ginkgo biloba L., folium) (35 - 67:1) стандартчилсан  цэвэршүүлсэн хуурай ханд агуулагдана. Энэ нь: 

- 26.4–32.4 мг флавоноид (флавоны гликозид хэлбэрээр),

- 3.36–4.08 мг гинкголид A, B, C,

- 3.12–3.84 мг билобалидтай тэнцэнэ.

Туслах бодис: лактозын моногидрат, эрдэнэшишийн цардуул, тальк, усгүй коллоид кремнийн хоёрч исэл, магнийн стеарат.

Бүрээсийн бүрхүүл: хар төмрийн исэл (E 172), улаан төмрийн исэл (E172), шар төмрийн исэл (E172),титаны хоёрч исэл (E 171), желатин тус тус агуулагдана.

1 бүрээсд  198 мг лактоз ба 6 мг глюкоз агуулагдана.

Гинкго ханд эмчилгээний үед илэрч болзошгүй гаж нөлөөг үүсэх давтамжаар нь дараах байдлаар ангилсан болно. Үүнд:

- маш түгээмэл (≥1/10),

- түгээмэл (≥ 1/100, < 1/10),

- цөөвтөр (≥ 1/1000, < 1/100),

- ховор (≥ 1/10000, < 1/1000),

- маш ховор (<1/10000), давтамж тодорхойгүй (одоогийн байгаа мэдээлэлд тулгуурлан давтамжийг үнэлэх боломжгүй).

Бэлдмэлийн гаж нөлөөний идрэл нь ач холбогдол багасах чиглэлээр эрэмбэлэгдсэн.

Мэдрэлийн системийн талаас гарах өөрчлөлтүүд:

Маш түгээмэл: толгой өвдөх,

Түгээмэл: толгой эргэх.

Ходоод гэдэсний талаас системийн талаас гарах өөрчлөлтүүд:

Түгээмэл: суулгах, хэвлийгээр өвдөх, дотор муухайрах, бөөлжих.

Дархлалын системийн талаас гарах өөрчлөлтүүд:

Давтамж тодорхойгүй: анафилаксийн шокийг оролцуулаад хэт мэдрэгшилийн урвалууд.

Арьс ба арьсан доорх эдийн  талаас гарах өөрчлөлтүүд:

Давтамж тодорхойгүй: Арьсны харшлын урвалууд (улайх, хавагнах, загатнаа, тууралт).

Цусны системийн талаас гарах өөрчлөлтүүд:

Давтамж тодорхойгүй: гинкго билоба бэлдмэлийн хэрэглээний суурин дээр төрөл бүрийн цус алдалтын тухай мэдээлэл ирсэн (нүднээс, хамраас, тархины, ходоод-гэдэсний замын г.м.).

Гаж урвалууд илэрсэн тохиолдолд, түүний дотор зааварт дурьдагдаагүй тохиолдолд эмийн бэлдмэлээ хэрэглэхийг зогсоон эмчид хандах хэрэтэй.

Бүрээсийг хангалттай хэмжээний шингэнээр даруулж хоолоноос хамааралгүй залгиж ууна.

Тархины цусан хангамжийн алдагдлын үед 1 бүрээсээр хоногт 2 удаа хэрэглэнэ. 

Захын цусан хангамжийн алдагдалын үед 1 бүрээсээр хоногт 1-2 удаа хэрэглэнэ.

Мэдрэл-мэдрэхүйн өөрчлөлтийн үед (толгой эргэх, чих шуугих, сонсгол муудах) 1 бүрээсээр хоногт 1-2 удаа хэрэглэнэ.

Нүдний шар толбоны насжилтын сөнөрөлийн үед 1 бүрээсээр хоногт 1-2 удаа хэрэглэнэ.

Чихрийн шижингийн шалтгаант нүдний торлогийн эмгэгийн үед 1 бүрээсээр хоногт 1-2 удаа хэрэглэнэ.