Вольтарен 1%-20гр №1 Гель

Бэлдмэлийг дараах эмгэгийн үед илрэх өвдөлт, үрэвслийн эмчилгээнд хэрэглэж болно.

• Үе, булчин, холбоос, шөрмөсний гэмтэл (жишээ нь биеийн тамираар хичээллэсний дараа эсвэл ослын үр дүнд үүссэн нурууны өвдөлт, суналт, хөхрөл няцрал, холбоосын задрал). 
• Тендинит (“теннисний тохой”хам шинж), бурсит, мөр-сарвууны хам шинж, периартропатизэрэг зөөлөн эдийн хэрэх өвчний хэсэг газрын хэлбэр
• Өвдөгний үе эсвэл гарын хурууны үе зэрэг арьсанд ойр байрласан жижиг болон дунд зэргийн үений  артроз

Бэлдмэлийг насанд хүрэгсэд болон 12-оос дээш насны хүүхдэд хэрэглэж болно.

Бэлдмэлийг хэрэглэснээс хойш 7 хоногийн дараа таны биеийн байдал сайжрахгүй эсвэл дордвол эмчид хандах шаардлагатай.

Үйлчлэгч бодис нь диклофенакын диэтиламин.

1г бэлдмэл 11,6мг диклофенакын диэтиламин (10мг диклофенак натритай тэнцэх)агуулна.

Туслах бодис:диэтиламин, карбомер (карбопол 974 Р), макрогол цетостеарилын эфир (цетомакрогол 1000), кокоил каприлокапрат (цетиол LC), изопропилын спирт, шингэн парафин (эрдсийн тос), ароматик крем 45 (бензилбензоат агуулна), пропиленгликоль, цэвэршүүлсэн ус.

Бүх эмийн бэлдмэлийн нэгэн адилаар  бэлдмэлийг хэрэглэх үед гаж нөлөө илэрч болох боловч энэ нь хүн бүрд тохиолддоггүй.
Зарим гаж нөлөө нь ховор буюу маш ховор тохиолдох ба хүнд явцтай илэрч болно.

Арьсны цэврүүт тууралт;чонон хөрвөс (10000 өвчтөнд 1-10 ажиглагдаж болно)

Хяхтнасан амьсгал, амьсгалахад хүндрэлтэй болох эсвэл цээжин дээр дарж байгаа юм шиг мэдрэмж төрөх (багтраа)(10000 өвчтөнд 1-ээс цөөн ажиглагдаж болно)

Нүүр, уруул, хэл, хоолой хавагнах (10000 өвчтөнд 1-ээс цөөн ажиглагдаж болно)
Арьсны тууралт, загатнаа, арьс улайх эсвэл өвчтэй хөндүүр болох

Арьс наранд илүү мэдрэг болж болно. Нарны түлэгдлийн шинж тэмдэгт дараах шинж орно: загатнаа, хаван, цэврүүт илрэл

Хэрэв таньд ямар нэгэн гаж нөлөө илэрвэл эмч эсвэл эмийн сангийн ажилтантай зөвлөнө. Уг зөвлөмж нь илэрч болох бүх гаж нөлөөнд (ялангуяа эм хэрэглэх зааварт (савлагаан доторх)тэмдэглэгдээгүй)хамаарна. Та түүнчлэн гаж урвалын талаар (эмийн бэлдмэлийн үр дүнгүйн талаарх мэдээллийг оруулаад)эмийн бэлдмэлийн гаж нөлөөний мэдээллийн санд мэдээлж болно. Гаж урвалыг мэдээлэх нь эмийн бэлдмэлийн аюулгүй байдлын талаар илүү мэдээлэл цуглуулахад  тусална.

Бэлдмэлийг анх удаа хэрэглэхийн өмнө тубын хамгаалах бүрхүүлийг авахын тулд таглааг нь эрэгдэж авна. Тубээс хамгаалах бүрхүүлийг эргүүлэх ба авахын тулд таглааны эсрэг талыг ашиглана. 

Болгоомжтой шахаж тубээс гелийг бага хэмжээгээр гаргах ба өвчтэй хөндүүр  эсвэл хавантай хэсэгт гелийг түрхэж  аажим үрж илнэ. Гелийн хэмжээ нь өвчтэй хөндүүр буюу хавантай хэсгийн хэмжээнээс хамаардаг. Интоорын буюу эсвэл грек самрын хэмжээтэй гель нь хэрэглэхэд хангалттай байна. Гелийг арьсанд үрж илэх үед бага зэргийн хөргөж сэрүүцүүлэх үйлдэл илэрч болно.

Бэлдмэлийг түрхэж хэрэглэсний дараа гараа (энэ нь эмчилгээний хэсэг биш бол)хуурай цаасан алчуураар арчиж дараа нь түүнийг угаана.

Шүршүүр болон усанд орохын өмнө арьсан дээрх бэлдмэлийг хаттал хүлээх хэрэгтэй.