Гербион подорожника 150мл №1 сироп

Бэлдмэлийг хуурай ханиалга дагалдсан амьсгалын дээд замын үрэвсэлт өвчний бүрдэл эмчилгээнд болон тамхичдын хуурай ханиалгыг намдаах зорилгоор хэрэглэнэ.

5 мл сиропын найрлагад:

Идэвхтэй бодис:

- 1,25 г таван салааны навчны шингэн ханд Plantago lanceolata L.s.l., folium (ribwort plantain) (1:5),

хандлагч: цэвэршүүлсэн ус.

- 1,25 г жамбын цэцэгний шингэн ханд Malva sylvestris L., flos (mallow flower) (1:5),

хандлагч: цэвэршүүлсэн ус,

- 65,00 мг аскорбины хүчил (амин дэм C).

Туслах бодис:

Сахароз 4,00 г, метилпарагидроксибензоат, (E218) 9,240 мг, жүржийн тос 12,50 мг тус тус агуулагддаг.

Бэлдмэлийг хэрэглэх үед харшлын урвал ажиглагдаж болох бөгөөд  гаж нөлөө илэрсэн тохиолдолд эмчилгээг зогсоож эмчид хандана.

Ууж хэрэглэнэ.

Хэрэглэхийн өмнө флаконыг сэгсэрнэ.

Сиропыг хэрэглэсэн даруйд хооллож ундлахгүй. Хоол унд нь амны хөндий, залгиур хоолойн салстад үзүүлэх бэлдмэлийн нөлөөг богиносгодог.

Сиропыг хэрэглэх үед цай буюу шингэнийг хангалттай хэмжээгээр уухыг зөвлөнө.

Насанд хүрэгсэд ба 14-с дээш настай хүүхдэд: 2 тунгийн халбагаар (10 мл) хоногт 3-5 удаа хэрэглэнэ.

7-14 настай хүүхдэд 1-2 тунгийн халбагаар (5-10мл) хоногт 3 удаа хэрэглэнэ.

2-7 настай хүүхдэд 1 тунгийн халбагаар (5мл) хоногт 3 удаа хэрэглэнэ.

Ээлж эмчилгээ 2-3 долоо хоног үргэлжилнэ. Ээлж эмчилгээг уртасгах болон давтан ээлж эмчилгээг эмчтэй зөвлөлдсөний дараа хийж болно.