Дистрептаза №6 Лаа

Бага аарцгийн эрхтнүүдийн үрэвсэлт өвчний (БАЭӨӨ) цогц эмчилгээ: өндгөвч, фаллопийн гуурс болон умайн үрэвсэл.

Бага аарцгийн эрхтэнд мэс засал хийсний дараа үүсэх наалдац.

Цочмог ба архаг шамбарам өвчин.

Шулуун гэдэсний орчимд үүссэн буглаа болон буглаа нь цорго үүсгэн гадагшилж, их хэмжээний нэвчдэстэй үрэвсэл.

1 лаанд (2 г) дараах бодис агуулагдсан:

Идэвхтэй үйлчлэгч бодис: стрептокиназа 15000 ОУН, стрептодорназа 1250 ОУН;

Туслах бодис: Лааны тос болон хатуу тос.

Ховор (≥1/10 000, гэвч ˂1/1 000)

Эмийн бэлдмэл хэрэглэсэн газар дараах нөлөө ажиглагдаж болзошгүй: харшлын урвал, халуурах, цус амархан гарах, тухайн газарт хөндүүр болох болон хавдах.

Насанд хүрэгчид  ( 18 наснаас дээш )

Хэрэглэх тун нь үрэвслийн төрөл болон хүндрэлийн түвшнээс хамаарна.

Эмчийн заалтаар хэрэглэнэ.

Хүнд явцтай үед:

1 ширхэг шулуун гэдэсний лааг өдөрт 3 удаа, эхний 3 хоногийн турш;

1 ширхэг шулуун гэдэсний лааг өдөрт 2 удаа, дараагийн 3 хоногийн турш;

1 ширхэг шулуун гэдэсний лааг өдөрт 1 удаа, дараагийн 3 хоногийн турш хэрэглэнэ.

Хөнгөн явцтай үед:

1 ширхэг шулуун гэдэсний лааг өдөрт 2 удаа, эхний 3 хоногийн турш;

1 ширхэг шулуун гэдэсний лааг өдөрт 1 удаа, дараагийн 4 хоногийн турш эсвэл

1 ширхэг шулуун гэдэсний лааг өдөрт 2 удаа, 2 хоногийн турш хэрэглэж болно.

Нэг удаагийн курс эмчилгээнд  дунджаар 8 -18 ширхэг лаа  хэрэглэх бөгөөд эмчилгээг дунджаар 7-10 хоног үргэлжлүүлнэ.

Хүүхэд

Хүүхдэд хэрэглэхэд аюулгүй болон үр дүнгийн талаар одоогоор тогтоогдоогүй байна.

Тусгай бүлэг

Өндөр настай

Ахмад настай өвчтөнд (65-аас дээш насны) тунг тохируулах шаардлагатай тухай мэдээлэл байхгүй байна.

Элэгний дутагдалтай өвчтөн

Энэхүү бэлдмэл нь элгэнд бодисын солилцоонд  ордоггүй тул элэгний дутагдалтай өвчтөнд тунг тохируулах шаардлагагүй.

Бөөрний дутагдалтай өвчтөн

Бөөрний дутагдалтай өвчтөнд тунг тохируулах шаардлагатай тухай мэдээлэл байхгүй байна.

Хэрэглэх арга

Бэлдмэлийг, үүрэн хэлбэрт хавтгайгаас нь гарган авсны дараа шулуун гэдэс руу гүн шургуулна.