Идэвхжүүлсэн нүүрс 250мг Ирбитский №10 шахмал

Төрөл бүрийн шалтгаантай, /дотоод болон гадаад/ хордлогын үед хордлого тайлах бэлдмэл байдлаар хэрэглэнэ.

Идэвхитэй үйлчлэгч бодис: идэвхижүүлсэн нүүрс -250мг

Туслах бодис: төмсний цардуул – 47мг

Өтгөн хатах, эсвэл суулгах. Удаан хугацаагаар хэрэглэхэд (14 хоногоос илүү хугацаагаар) кальци, витамин, хүнсний шимт бодисын шимэгдэлт алдагдаж болно. Өтгөн хар өнгөтэй гарна.

Идэвхижүүлсэн нүүрсийг шахмал эм хэлбэрээр, эсвэл урьдчилан жижиглэж, усанд уусгаж хоол идэх, бусад төрлийн эмийн бэлдмэл уухаас цагийн өмнө ууна.

Шаардлагатай хэмжээний бэлдмэлийг ½ стакан усанд найруулна.

Насанд хүрсэн хүнд 1,0-2,0 г-аар (4-8 шахмал) хоногт 3-4 удаа уулгана, насанд хүрсэн хүний нэг удаагийн дээд тун 8г хүртэл байна.

Хүүхдэд биеийн жинд нь 0,05г/кг-аар тооцон өдөрт 3 удаа, нэг удаагийн дээд тун 0,2г/кг жинд нь тооцож өгнө.

Хурц, цочмог явцтай өвчний үед эмчилгээний нэг курс 3-5 хоног, харшил болон архаг өвчний үед 14 хүртэл хоног байна. Эмчийн зөвлөгөөгөөр 2 долоо хоногийн дараа давтан курс эмчилгээ хийж болно.

Хурц хордлогын үед эхлээд идэвхижүүлсэн нүүрстэй уусмалаар ходоодыг угааж дараа нь 20-30г бэлдмэлийг уулгана.

Гэдэс дүүрэлтийн үед 1-2г-аар (4-8 шахмал) өдөрт 3-4 удаа уулгана. Эмчилгээний нэг курс нь 3-7 хоног.