Альбумин 20%-100мл Тарилгын шингэн

Альбуман нь хүний сийвэнгийн альбумин агуулдаг. Хүний альбумин нь хүний сийвэнгийн энгийн бүрэлдэхүүн хэсэг бөгөөд орлуулах эмчилгээний зорилгоор хэрэглэхэд биед агуулагдах альбуминтай ижил нөлөө үзүүлнэ. Альбумин нь цусны эргэлтийн эзэлхүүнийг тогтворжуулж даавар, фермент, эмийн бэлдмэл ба хорт бодисуудыг хэвийн байлгах үүрэг гүйцэтгэнэ.

Альбуминыг биеийн эзэлхүүний дутмагшил илэрсэн хэсгийн цусны эргэлтийн эзэлхүүнийг сэргээх ба хадгалах зорилгоор мөн эмч орлуулах эмчилгээ хийлгэх шаардлагатай гэж үзсэн тохиолдолд хэрэглэнэ.

Альбуман 40г/л

-        Идэвхтэй бодис нь 40г/л хүний альбумин; 100мл туншилд 4г, 250мл-д 10г ба 400мл-д 16г агуулагдана.

-        Бусад туслах бодисуудад натрийн каприлат, натрийн хлорид, натрийн гидроксид ба хлорт устөрөгчийн хүчил мөн тарилгын ус зэрэг багтана.

Альбуман 200г/л

-        Идэвхтэй бодис нь 200г/л хүний альбумин; 50мл туншилд 10г, 100мл-д 20г агуулагдана.

-        Бусад туслах бодисуудад натрийн каприлат, натрийн хлорид, натрийн гидроксид ба хлорт устөрөгчийн хүчил мөн тарилгын ус зэрэг багтана.

Энэхүү эм нь бусад бүх л эмийн адилаар бүх хүмүүст биш ч гэсэн гаж нөлөө үзүүлж болох юм.

Эмчилгээ хийлгэж буй 10’000 өвчтөнд 1-10 удаа тохиолдож болох Ховор гаж нөлөөнүүд:

Арьс улайх, чонон хөрвөс, халуурах ба дотор муухайрах.

Дээрх урвалууд нь ерөнхийдөө дуслын хурдыг багасгах эсвэл дуслын хэрэглээг зогсоох үед өөрөө аяндаа арилдаг.

Эмчилгээ хийлгэж буй 10’000 өвчтөнд 1-ээс бага тохиолдож болох Маш ховор гаж нөлөөнүүд:

Шок зэрэг анафилакси төст урвалууд.

Энэ тохиолдолд дуслын хэрэглээг зогсоож тохирох эмчилгээг эхлүүлэх нь зүйтэй.

Альбуманыг дуслаар аажим тарьж хэрэглэнэ. Энэхүү уусмалыг эмч эсвэл сувилагчийн тусламжтайгаар венийн судсанд дуслын систем ашиглан тарьж хэрэглэнэ. Эмийн тун ба дуслын хурдыг эмчийн зааврын дагуу хувь хүн бүрт тохируулна. Шаардлагатай тунг хувь хүний өндөр, жин, биеийн байдлын хүнд хөнгөний явц мөн шингэн ба уургийн алдагдал зэргээс хамаарч тохируулна.

Альбуман 40г/л бэлдмэлийг венийн судсанд шууд тарьж хэрэглэнэ. Альбуман 200г/л бэлдмэлийг венийн судсанд шууд эсвэл изотоник уусмалд (жишээлбэл, 5% глюкоз эсвэл 0.9% натрийн хлорид) шингэрүүлж хэрэглэх боломжтой. Гэвч, тарилгын устай шингэрүүлж болохгүй, учир нь өвчтөнд гемолиз үүсгэж болзошгүй.

Альбуминыг өөр эмийн бэлдмэл, цэвэр цус болон савласан улаан эстэй хамт хэрэглэж болохгүй. Бэлдмэлийн тунг тохирсон эсэхийг шалгахын тулд дуслаар тарьж хэрэглэх үед цусны даралт, зүрхний үйл ажиллагаа, цусны бүрэлдэхүүний тоо хэмжээ ба амьсгалын тоог тогтмол хянана.