Геморол №12 Лаа

Геморол нь шамбарам өвчний үед шулуун гэдсэнд хийж  хэрэглэдэг лаа юм.  Түүнчлэн бэлдмэлийг шулуун гэдэсний салст бүрхүүлийн архаг үрэвсэлт эмгэг, цочрол, хагарал зэргийн үед хэрэглэнэ.  

Геморол лааны найрлага дахь  бензокайны хэсгийг мэдээгүйжүүлэх үйлдлийн нөлөөгөөр өвдөлт намдана. 

Мөн бэлдмэлийн найрлагат хэсэг газарт үрэвслийн эсрэг, аргаах, суллах үйлдэл үзүүлдэг бодисууд агуулагддаг.  

Энэхүү бүтээгдэхүүнийг дээр дурьдсан хэрэглэх заалтын үед уламжлалт эмчилгээний зорилгоор хэрэглэх ба түүний үр нөлөө нь удаан хугацааны хэрэглээ, туршлага дээр үндэслэгддэг.

Нэг лаа (2 г)-нд агуулагдах үйлчлэгч бодис:

Matricaria-ын  өтгөн ханд (Matricariae extractum spissum) (3:1) 50 мг

Хандлагч: цэвэршүүлсэн ус

Гоо хатны үндэсний өтгөн ханд (Belladonnae radicis extractum spissum) (4:1) 20 мг

Хандлагч: этанол 70% V/V

Шотланд Broom-ын өвс,  Horse-chestnut-ын холтос, Tormentil-ын үндэслэг иш, Yarrow-ын өвсний өтгөн хандны холимог 80 мг (Extractum compositum spissum (4:1) ex: Cytisi scoparii-ын өвс, Hippocastani-ын холтос, Tormentillae-ын үндэслэг иш, Millefolii-ын өвс)                    

Хандлагч: этанол 40% V/V

Бензокайн (Benzocainum) 100 мг

Бусад бодис: глицерол ба хатуу тос.

Геморол бэлдмэлийг хэрэглэх үед гаж нөлөө илэрсэн талаар бүртгэгдээгүй байна. 

Бусад эмүүдийн нэгэн адилаар  уг бэлдмэлийг хэрэглэх үед  гаж нөлөө илэрч болох боловч энэ нь  хүн бүрт илрэхгүй.

Эрхтэн тогтолцооны MedDRA ангилал ба давтамжтай холбоотой илэрч болох гаж нөлөө: давтамж тодорхойгүй (байгаа мэдээлэл дээр үндэслэж үнэлэх боломжгүй).

Цус болон тунгалгийн тогтолцооны зүгээс илрэх өөрчлөлт: метгемоглобинеми - давтамж нь тодорхойгүй.

Дархлалын тогтолцооны зүгээс илрэх өөрчлөлт: хүнд явцтай харшлын урвал (амьсгаадах, Квинкийн хаван, коллапс, анафилаксийн шок) илэрнэ - давтамж нь тодорхойгүй.  

Гаж нөлөөг мэдээлэх нь 

Хэрэв ямар нэгэн гаж нөлөө  илэрвэл эмч болон эм зүйчид мэдэгдэнэ. Үүнд уг эм хэрэглэх зааварт дурьдагдаагүй  илэрч болох бүх гаж нөлөө хамаарна. Мөн илэрсэн гаж нөлөөний талаар эмийн бүтээгдэхүүн, эмнэлгийн тоног төхөөрөмж, биологийн бүтээгдэхүүний гаж нөлөөний хэлтэст  (Department Monitorowania Niepożądanych Działań Produktów Leczniczych Urzędu Rejestracji Produktów Leczniczych, Wyrobów Medycznych i Produktów Biobójczych) , Al. Jerozolimskie 181 C, 02-222 Warszawa, phone: +48 22 49-21-301, fax: +48 22-49-21-309, e‑mail: ndl@urpl.gov.pl шууд мэдээлж болно. 

Гаж нөлөөг мөн худалдааны эрх бүхий байгууллагад мэдээлж болно.

Гаж нөлөөг мэдээлэх нь та эмийн аюулгүй байдлын талаар илүү мэдээллээр хангахад өөрийн хувь нэмрээ оруулж байна гэсэн үг юм.

Бэлдмэлийг эмч болон эм зүйчийн зааврыг нарийн баримтлан хэрэглэнэ. Хэрэв таньд ойлгомжгүй зүйл байвал эмч болон эм зүйчээс асууна.

Тун

Насанд хүрэгсдэд үдэш 1 лаа хэрэглэх ба хүнд тохиолдолд хоногт 2-3 лаа хэрэглэнэ.

Эмчилгээ үргэлжлэх хугацаа

Лааг өвдөлт бүрэн намдтал хэрэглэх ба харин 7 хоногоос удаан хугацаагаар хэрэглэж болохгүй. Сайжрал илрэхгүй байгаа тохиолдолд эмчээс зөвлөгөө авна.

Хэрэглэх арга

Хэрэглэхийн өмнө фольгийн гурвалжин төгсгөлтэй хэсгийг урж лааг блистерээс гаргаад шулуун гэдсэнд хийнэ.

Бэлдмэлийн тунг хэтрүүлэн хэрэглэсэн бол

Тун хэтэрсэн эсвэл буруу хэрэглэсэн бол эмч болон эм зүйчээс зөвлөгөө авна.

Геморолыг хэрэглэхээ мартаж өнгөрөөсөн бол

Мартаж өнгөрөөсөн тунг нөхөхийн тулд тунг давхарлаж хэрэглэж болохгүй.

Геморолыг хэрэглэхийг зогсоох

Хэрэв таньд уг бэлдмэлийг хэрэглэхтэй холбоотой ямар нэгэн эргэлзээтэй асуулт гарвал эмчлэгч эмч болон эм зүйчээс асууна.