Тухайн эмийг дараах хүмүүс хэрэглэхийг хориглоно.
1) PenzalQ болон ижил төрлийн орц найрлагатай эмэнд хэт мэдрэг, харшилдаг хүмүүс;
2 PenzalQ болон ижил төрлийн орц найрлагатай, бусад өвчин намдаах эм, ханиадны эм хэрэглэх үед багтрааны шинж тэмдэг илэрсэн хүмүүс;
3) 3-аас бага сартай нярай хүүхэд
3. Хавсран хэрэглэхийг хориглох эм
Өөр төрлийн өвчин намдаах эм, ханиадны эм, тайвшруулах эм
Дараах хүмүүс энэ эмийг уухдаа эмч, шүдний эмч, эм зүйчээс зөвлөгөө аваарай.
1) Салхин цэцэг, томуу туссан хүүхэд, мөн 15-аас доош насны хүүхдүүд (хэрэв дотор муухайрах, бөөлжис хүрэх шинж тэмдэг илэрвэл, энэ нь ховор ноцтой өвчин болох Рэй хам шинжийн шинж тэмдэг байж болзошгүй тул эмчид хандана уу)
2) 3-аас дээш сартай болон 1-ээс доош насныхан хүүхдийн эмчийн жороор хэрэглэх бөгөөд, бүр зайлшгүй тохиолдлоос бусад үед хэрэглэхийг хориглоно.
3) Харшил, арьсны идээт үрэвсэл, багтраа өвчин, харшлын ринит, мигрен, хүнсний харшилтай болон эдгээр өвчинд өртөмтгий хүмүүс
4) Эмийг хэрэглээд дараах шинж тэмдэг илэрсэн хүмүүс: Халуурах, тууралт, үе мөч өвдөх, багтрах, загатнах гэх мэт
5) Элэгний архаг өвчин, бөөрний архаг өвчин, зүрхний архаг өвчин, бамбай булчирхайн өвчин, чихрийн шижин, цусны даралт ихсэх өвчтэй хүмүүс болон бие нь сульдсан хүмүүс, хэт өндөр халуурч байгаа хүн
6) Өндөр настан
7) Жирэмсэн болон хөхүүл эхчүүд
8) Эмч болон шүдний эмчийн хяналтанд эмчлүүлж байгаа хүмүүс (чихрийн шижингийн эм, тулай өвчний эм, үе мөчний эм, цус шингэрүүлэх эм, стероид гэх мэт эм хэрэглэж байгаа хүмүүс)
9) Ходоодны шархлаа, ходоодны таагүй байдал, ходоод өвддөг, цус алдах зэрэг ходоод гэдэсний асуудалтай хүмүүс (хоолны шингэц муу)
10) Суулгалт өвчнөөр өвдөж буй хүн мөн хаван хөөх эм хэрэглэдэг хүмүүс
Дараах тохиолдолд тухайн эмний хэрэглээг шууд зогсоож, мэргэжлийн эмч болон шүдний эмч, эм зүйчид хандаж зөвлөгөө аваарай.
1) Тухайн эмийг хэрэглэх явцад дараах шинж тэмдэг илэрвэл: тууралт, улайлт, загатнах, дотор муухайрах, бөөлжих, хоолны дуршил алдагдах, өтгөн хатах, гэдэс өвдөх, ходоод өвдөх, толгой эргэх, чих шуугих, хавагнах
2) Тухайн эмийг хэрэглэх явцад дараах ноцтой шинж тэмдгүүд илэрвэл
① Шок (анафилакс): тухайн эмийг хэрэглэсний дараа шууд харшлах, хавагнах, цээж давчдах, царай цонхийх, гар хөл хөрч, хүйтэн хөлс гарч, амьсгалахад хүндрэлтэй болох зэрэг шинж тэмдэг илрэх
② Арьс, салст бүрхүүлийн хам шинж (Stevens-Johnson syndrome), хордлогын эпидермийн хам шинж (Liel syndrome): өндөр халуурах, тууралт өгөх, улайлт, арьс салт цэврүүтэх, түлэгдсэн мэт болох, амны хөндий болон нүдний салст бүрхэвчинд илрэх
③ Астма
④ Элэгний үйл ажиллагааны эмгэг: Бүх бие сульдах, шарлах (арьс болон нүдний цагаан шаргал өнгөтэй болох) зэрэг шинж тэмдэг илэрвэл
3) 5~6 удаа тухайн эмийг хэрэглэсэн ч гэсэн өвчин намдаагүй тохиолдолд
6. Тухайн эмийг хэрэглэхэд анхаарах бусад зүйлс
1) Хэрэглэх тунг зөв тохируулж, сайтар дагаж мөрдөнө үү.
2) Урт хугацаагаар тогтмол хэрэглэхийг хориглоно.
3) Бага насны хүүхдэд асран хамгаалагчийн хяналтан дор хэрэглэх
4) Тухайн эмийг хэрэглэх үедээ согтууруулах төрлийн зүйлс хэрэглэхийг хориглоно.
5) Barbiturates (нойрсуулах үйлчилгээтэй эм бэлдмэл), tricyclic antidepressant (сэтгэл заслын эм) эм хэрэглэсэн мөн архи согтууруулах ундаа хэрэглэсэн тохиолдолд тухайн эмний гол найрлага болох ацетаминофен задран биенээс гадагшлах хугацаа уртсана.
and then Add to Home Screen.
